Најнови статии

  • Окото на црвениот цар - Сем Истланд
    Окото на црвениот цар - Сем Истланд Пекала е помладиот син од едно финско семејство (во времето кога Финска се уште била руска колонија). Татко му е погребник и на осумнаесет годишна возраст го испраќа постариот син Антон во Петроград да служи во Царската Финска Регимента. На…
    Коментирај Повеќе
  • Душата на скулпторот - Џејн Аркат
    Душата на скулпторот - Џејн Аркат Приказна за тоа како невозможното се остварува како резултат на нечии каприци претворени во манија. Еден свештеник е поразен од светлината и пејзажот на нему непознатата долина. Еден Kанаѓанец на сон го гледа каменот што ќе биде извајан за да…
    Коментирај Повеќе
  • Проектот Роузи - Грем Симсион
    Проектот Роузи - Грем Симсион Една од поинтересните книги за оваа година, забавна новела раскажана со необично шармантниот и социјално предизвикан глас на професор по генетика кој има невообичаена задача: да дознае дали е способен за вистинска љубов. Можеби вистинската љубов навистина може да промени…
    Коментирај Повеќе

Награди и подароци

Мојот личен ФБИ агент - Џули Џејмс

Автор 
Оцена
(88 оцени)

Што се случува кога судбината ќе спои двајца вечни непријатели?

Од сите можни хотелски соби во Чикаго, асистентот државен јавен обвинител, Камерон Линд мораше да ја одбере токму онаа до собата број 1308, каде едно неверојатно бучно и агресивно „водење љубов“ завршува со убиство. Таа почнува да го преколнува реновирањето на својата кујна и паркетот кои ја примораа да отседне во хотел уште пред да ги дознае сите детали и уште пред да ја сфати големината на нејзината несреќа. Но тоа не е крајот на нејзините маки.

Зошто? Па затоа што, освен што е сведок на убиство, од сите ФБИ агенти во Илиноис, одговорен за истрагата мораше да биде токму специјалниот агент Џек Палас.

Да, истиот оној намуртен и страшен Џек Палас кој уште не може да го заборави нивното минато и ја обвинува дека за малку ќе му ја уништела кариерата пред три години...

Да работи со Камерон Линд? Дали тие се шегуваат со него? Па тој не сака ниту да ја види лудата жена. Да, Џек дефинитивно мисли дека сето ова е само шега, дека неговите колеги ФБИ агенти сакаат да се пошегуваат со него по повод неговото враќање во Чикаго после трите години поминати во Небраска (поради Камерон Линд!).

Но ова не е никаква шега: иако тие двајца не сакаат ниту да се видат, сега мора да го остават зад себе своето бурно минато и да се фокусираат на задачата пред нив. Ако воопшто можат да се фокусираат кога не се ни способни да размислуваат кога се блиску еден до друг...

Слатко, секси и со интелигентен хумор, како и сте останати книги на Џули Џејмс. Сепак, оваа книга не би ја вброила во нејзините чик лит парчиња, бидејќи Мојот личен ФБИ агент е прва книга во ФБИ серијата на „романтични трилери“ со кои авторката ги зарази своите обожаватели ширум светот. ФБИ серијата сега засега е составена од 3 книги, но секоја од нив може да се чита независно затоа што во секоја книга има сосема различна приказна и ликови.

„Ќе се смеете на глас и ќе посакате да имате ваш личен ФБИ агент...“

Камерон ги прекрсти рацете преку градите. „Да, мислам дека станувам нервозна, полицаецу.“ И тоа не беше глума. „Најдете го тој агент - кој и да е - и кажете му дека на тешката жена од соба 1307 ѝ е дојдено преку глава. И кажете му дека многу ќе ценам доколку би можел да приврши со својата мала диктаторска обиколка и да се спушти на мое ниво за да може лично да зборува со мене. Бидејќи јас би сакала да знам колку долго очекува да седам овде и да чекам.“

„Сè додека јас го барам тоа од вас, госпоѓице Линд.“

Гласот дојде однадвор, од пред вратата. Камерон беше свртена кон вратата со грбот, но тој глас можеше да го препознае и во сон - длабок и мазен како сомот. Не е можно. Таа се сврте и погледна во човекот кој стоеше на другата страна од ходникот. Тој изгледаше исто како и последниот пат кога го виде пред три години: висок, темен и намуртен. Камерон не се ни помачи да ја прикрие омразата во својот глас. „Агенту Палас... не знаев дека сте се вратиле во градот. Како беше во Невада?“

„Небраска.“

Според неговиот леден израз, Камерон знаеше дека нејзиниот ден, кој веќе го доживеа својот несреќен почеток, штотуку стана педесет пати полош.

Дополнителни информации

  • Издавачка куќа: Сакам Книги
  • Година на издавање: 2012 година
  • Број на страници: 332 страници
  • Цена на книгата: 390 денари
  • Ја има во: Топер, Три, Матица, Култура, Мамут, Тримакс

Можеби ќе ти се допадне...

  • На една свадба - Џули Џејмс

    ТАА Е ДОВОЛНО ПАМЕТНА ЗА ДА НЕ ГО КАЖЕ СУДБОНОСНОТО „ДА“.

    После понижувачкото откажување на сопствената свадба, Сидни Синклер става крај на врските со мажи кои се плашат од врзување и посветување на една жена. Таа прави дури и цела листа која треба да ѝ помогне како подобро да ги препознава овие ѓубриња и женкари и да бега од нив. Но кога нејзината сестра ѝ соопштува дека ќе се мажи после кратка врска, Сидни заглавува со уште еден секси плејбој со фобија од сериозни врски – прекрасниот кум. Свадба или не, таа е решена да го игнорира Вон, бидејќи овој пат многу добро си ја има научено лекцијата.

напишете коментар (Ве молиме пишувајте на кирилица)

Остави коментар како гостин

0
условите.
Вчитај претходни коментари
  • Предосеќав дека нешто добро се крчка, ама дека тоа ќе биди Џули Џејмс, ОМГ !! е сега ве сакам уште појќе :))))

    0 Like
  • Баш добро ќе ми дојде нешто ново од Џули Џејмс *

    0 Like
  • Иванче, гледам книгите само и само ВИ се множат, АЛАЛ да ВИ е. Се сеќавам на Вашата прва книга Го сакам Њујорк, со каква еуфорија беше дочекана и секоја наредна книга не го загубила тој ефект на еуфорија. Само успеси нека Ве следат! Поздрав!

    0 Like
  • Џули Џејмс + Сакам книги = Супер подарок за мојот роденден!!!

    0 Like
  • Ја прочитав и да кажам дека и оваа книга на Џули е одлична, иако и претходните две се супер и ги имам дома, оваа ми се допадна за нијанса повеќе поради тоа што е трилер, со романтични примеси :)...Ивана, ја чекам наредната книга од Џули :)

    0 Like
  • Интересна книга. Но уште поинтересна писателка. Дефинитивно прекрасен ФБИ роман :). Се наежував додека ја читав. Не ме остави рамнодушен се до крајот. Едноставно таа е Џули. Очекуваме нешто ново од неа... Поздрав за статијата Ивана :)

    0 Like
  • Со еден збор - ФАНТАСТИЧНА !!! Оваа книга се чита со голема леснотија, во еден здив и со постојано исчекување на следната страница.

    0 Like
  • Книгава дефинитивно има голема сексуална тензија :) Од трите книги од Џули оваа дефинитивно ми е омилена и најинтересна.

    0 Like
  • Кога решив да прочитам нешто од Џули, не случајно ја одбрав „Мојот личен ФБИ агент“, ама морам да признаам беше многу лично, со оглед на фактот што веќе 18 години живеам со претставник на МВР, хахаха, но јас може како и Марија Арнаудовска што рече за „Ејми ја нема“ сум ја утнала поентава на книгава, не дека е лоша но „луѓе“ јас не се пронаоѓам во нејзиниот стил, можеби заради годинките, а и фонтот многу многу, не ми се допаѓа, во секој случај добар избор за помладата популација.....

    0 Like
  • Не сум голем љубител на Џули Џејмс, некако сите книги и се исти, но оваа книга е вистинско одморање од се што ви се случува :))))

    0 Like

Авторски Права

Сите права врз содржините на веб страната се задржани од страна на издавачката куќа САКАМ КНИГИ. 



Ниту еден дел од содржините не смее да се презема без писмена согласност на Сакам Книги.

Контактирајте нѐ

Вашето мислење ни е важно!

Можете да ни пишете порака преку нашата контакт страна или да нѐ контактирате телефонски на 070/326-403 доколку повеќе ви одговара. Со оглед на големиот број мејлови кои ги добиваме секој ден, се извинуваме ако не успееме да одговориме на сите.


contact@sakamknigi.mk
ivana@sakamknigi.mk

Тука Сме

сакам новости

Пријавете се доколку сакате да добивате новости за попусти и интересни настани!

Follow us on Twitter