Најнови статии

  • Законот на привлечност - Н.М. Силбер (Заљубени правници #1)
    Законот на привлечност - Н.М. Силбер (Заљубени правници #1) Двајца адвокати се заљубија во судницата. Габриел Гинсберг е јавен бранител со челични нерви и Брејдан Пиерс е помошник јавен обвинител со огромна самодоверба. Габриел го сака Брејдан и Брејдан ја сака Габриел. И Камерон ја сака Габриел. И Марла…
    Коментирај Повеќе
  • Сведок - Нора Робертс
    Сведок - Нора Робертс Таа ноќ започнува со краткотрајната младеначка побуна на Елизабет со фарба L’Oreal Pure Black, скратување на косата и фалсификувана лична карта, а ќе заврши во крв. После 12 години, на периферијата од малиот град во Озаркс, во куќа со најсигурни…
    Коментирај Повеќе
  • Патување од сто чекори - Ричард С. Морејс
    Патување од сто чекори - Ричард С. Морејс Чуден е животот. Хасан потекнува од сиромашно семејство кое полека, со успешна работа, од малечка гостилница, стигнува до тоа да поседува ексклузивен ресторан во Бомбај. Уште од мал живеејќи над гостилницата и растејќи со мирисите на зготвените специјалитети почнува да…
    Коментирај Повеќе

Награди и подароци

Татарска пустина - Дино Буцати

Автор 
Оцена
(44 оцени)

Татарска пустина - Дино Буцати

Татарска пустина не е ништо друго освен книга која дефинитивно можеме да ја наречеме животна драма. Приказна за човечките судбини, за животните стремежи, за надежта, аспирациите, желбите, неисполнетите соништа...

Дали некогаш сте помислиле дека вашето живеење нема цел... или пак дека се стремите кон погрешни работи... или секогаш, секогаш на крајот успевате да се убедите самите себе си и верувате дека она кое го правите е тоа вистинското и сепак таму некаде, на крајот од тунелот, чека вашата светлина?

Луѓето се како предодредени, како програмирани да веруваат дека таму некаде чека нивното чудо, она чудо на нивниот живот кое евентуално, со тек на време, ќе се случи и ќе измени сѐ...

Ако некој се обиде да ве разубеди и да ве увери дека тоа чудо нема да се случи никогаш, вие тоа нема да го прифатите и ќе го обвините дека е убиец на вашата надеж. Знаеме дека не треба да биде така, сите знаеме дека надежта последна умира...

Татарска пустина е приказната за животот на еден војник кој е распореден две години од својот живот да помине во Тврдината. Тие две години кои треба да ги помине таму всушност се дел од неговите најубави дваесетти години.

А тврдината? Што да кажам за тврдината и неговиот живот таму? Тврдината се наоѓа на една пуста државна граница на работ од Татарската пустина. Војниците се таму со цел да ја чуваат таа граница од Татарите, но Татарите ги нема... ги немало со години... никогаш оттаму не нападнале ниту пак се знае со сигурност дека некогаш ќе нападнат.

Војниците ја имаат својата надеж, надежта која последна умира! Надежта дека нивниот миг на слава сепак ќе дојде, дека тие ќе бидат оние кои со војна против Татарите ќе ја спасат границата, а потоа ќе можат во слава како унапредени полковници, командири да ги продолжат своите животи.

Иако малку бавна за мој вкус (дејствијата многу бавно се одвиваат), оваа книга носи силна порака за сите нас кои упорно одбиваме да преземеме нешто и да го смениме својот живот, за сите нас кои го чекаме своето чудо. Луѓе, разбудете се, тоа чудо можеби никогаш нема да се случи и можеби на нас останува сами да создадеме свое чудо за поубав живот!

Минути, часови, денови, месеци и години, многу години Џовани го чека своето чудо, својот миг на слава... Што ќе се случи кога неговото чудо конечно ќе се оствари? Проверете самите!

 

напишете коментар (Ве молиме пишувајте на кирилица)

Остави коментар како гостин

0
условите.
  • Odli4na kniga,ve naveduva na mnogu razmisluvanja za smislata na naseto postoenje.Ja prepora4uvam.

    0 Like
  • Ја добив, ја прочитав и многу ми се допадна.Можеби затоа што ми е подарок или нешто друго е во прашање :))!

    0 Like

Авторски Права

Сите права врз содржините на веб страната се задржани од страна на издавачката куќа САКАМ КНИГИ. 



Ниту еден дел од содржините не смее да се презема без писмена согласност на Сакам Книги.

Контактирајте нѐ

Вашето мислење ни е важно!

Можете да ни пишете порака преку нашата контакт страна или да нѐ контактирате телефонски на 070/326-403 доколку повеќе ви одговара. Со оглед на големиот број мејлови кои ги добиваме секој ден, се извинуваме ако не успееме да одговориме на сите.


contact@sakamknigi.mk
ivana@sakamknigi.mk

Тука Сме

сакам новости

Пријавете се доколку сакате да добивате новости за попусти и интересни настани!

Follow us on Twitter