Третата книга од трилогијата Египетски судија е Правдата на везирот- книга не помалку интересна и неизвесна од предходните две, книга која ве става во исчекување, книга неизвесна до самиот крај, книга во која сè ќе се разоткрие.

Ќе се обидам и овој пат да ве заинтересирам за ова прекрасно дело.

Во оваа книга ќе мора да се разрешат многу мистерии, да се решат многу заговори и сплетки. Пазер е сега египетски везир втор човек во Египет после фараонот, Неферете неговата сопруга е поставена за главен лекар во кралството, тие ќе дојдат во судир со министерот за економија и управникот на Двојниот бел дом Бел-Тран.

„Ме обзема сомнеж, особено за мојата вера.“

„Ако. Тоа е сомнеж што го движи секој човек напред.“

Веќе подолго време Коелјо има чувство дека ништо од она што го научил не пуштило корени и иако е способен да влезе во магичниот универзум, не може да се задржи во него. Сомнежот околу неговата вера навлегува подлабоко, а потрагата по мудроста и духовниот мир му станува рутинска и бесмислена. Гледајќи според сè треба да е среќен човек бидејќи е успешен во својата професија, женет со жената што ја сака, има добро здравје, опкружен е со луѓето што го сакаат и им верува. Сето тоа некогаш му било доволно но сега, сега како ништо да не го исполнува и постојано се прашува зошто оди понатаму ако веќе ги достигнал своите граници?

Полноќни спомени е своевидно продолжение на романот Другата страна на полноќта, но јас би рекол дека доколку не сте го прочитале првиот дел, не губите премногу бидејќи вториот дел започнува сосема одново и со добро објаснување па не би рекол дека претставува голема пречка.

Романот започнува со Кетрин Александар (Даглас), која претрпува мала амнезија и не се сеќава на важни настани од нејзиниот живот.

Сите мислат дека таа е убиена од страна на нејзиниот сопруг Лари Даглас и неговата љубовница Ноел Пејџ, освен грчкиот бизнисмен и милјардер Константин Демирис.

Несомнено уште едно врвно дело на ненадминливата кралица на криминалистичките романи, незаменливата Агата Кристи. Уште еден спектакуларен роман, кој напросто ќе ве воодушеви и ќе ве остави во потрага по уште вакви романи...

И овде главниот детектив, којшто ќе се погрижи за истрагата е секако малиот белгиски јајцеглав детектив, фабулозниот г-дин Херкул Поаро со неговите долги мустачиња и се разбира неговите сиви ќелии, кои што никогаш не го изневеруваат. Овојпат се работи за богатата вдовица, г-ѓата Арандел, којашто се плаши за својот живот, откако сите знаат кој - што ќе добие по нејзината смрт. Во тоа е сосема убедена, затоа што пред само некој ден некој се обиде да ја убие, на тој начин што индиректно го предизвика нејзиниот пад по скалите.